មុខសញ្ញាជួញដូរគ្រឿងញៀនចំនួន៥នាក់ ត្រូវបានកម្លាំងនគរបាលខណ្ឌមានជ័យឃាត់ខ្លួន
23-March-2020 | ដោយ ពលមនសិការ
ភ្នំពេញ៖ មុខសញ្ញាជួញដូរគ្រឿងញៀនចំនួន៥នាក់ ត្រូវបានកម្លាំងនគរបាលខណ្ឌមានជ័យឃាត់ខ្លួន។ ប្រតិបត្តិការខាងលើបានធ្វើឡើងនៅថ្ងៃ២២ ខែមីនា ឆ្នាំ២០២០ វេលាម៉ោង១នឹង៣០នាទីរំលងអាធ្រាត្រ ខណៈពេលកម្លាំងអន្តរាគមន៍ នៃអធិការដ្ឋាននគរបាលខណ្ឌមានជ័យ សហការជាមួយកម្លាំងនគរបាលប៉ុស្តិ៍ចាក់អង្រែក្រោម ល្បាតពួនស្ទាក់ក្នុងមូលដ្ឋាន រហូតដល់ចំណុចក្បែររង្វល់មូលព្រះនរាយណ៍ ផ្លូវជាតិលេខ២ ស្ថិតនៅភូមិព្រែកតាឡុង៣ សង្កាត់ ចាក់អង្រែក្រោម ខណ្ឌមានជ័យ។
សមត្ថកិច្ចបានឲ្យដឹងថាជនសង្ស័យទី១.ឈ្មោះ ស្លេះ ម៉ាត់ ភេទប្រុស អាយុ១៨ឆ្នាំ ជនជាតិខ្មែរឥស្លាម មុខរបរកម្មករ ស្នាក់នៅភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ,ទី២.ឈ្មោះ ម៉ូសា គឹមល្លី ភេទប្រុស អាយុ១៩ឆ្នាំ ជនជាតិ ខ្មែរឥស្លាម ស្នាក់នៅភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ, ទី៣.ឈ្មោះ ឌៀប ដែន ភេទប្រុស អាយុ១៩ឆ្នាំ ជនជាតិខ្មែរ មុខរបរព្រូឡាន ស្នាក់នៅផ្ទះជួល ភូមិព្រែកតាពៅ សង្កាត់ ព្រែកប្រា ខណ្ឌច្បារអំពៅ, ទី៤.ឈ្មោះ ផាត ភួង ភេទប្រុស អាយុ២១ឆ្នាំ ជនជាតិខ្មែរ មុខរបរកម្មករ ស្នាក់នៅផ្ទះជួល ភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ នឹងទី៥.ឈ្មោះ រិទ្ធ វ៉ាត ភេទប្រុស អាយុ១៩ឆ្នាំ ជនជាតិខ្មែរ មុខរបរកម្មករ ស្នាក់នៅផ្ទះជួល ភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ។
វត្ថុតាងចាប់យករួមមាន៖ ក្រាមពណ៌សថ្លាចំនួន១០កញ្ចប់ថង់តូច(សង្ស័យជាគ្រឿងញៀន), កូនកាបូបតូច០១ពណ៌ស្លែ, ទូរស័ព្ទ០៦គ្រឿង(ចាស់), ម៉ូតូចំនួន០២គ្រឿង ០១គ្រឿង ម៉ាកMSX ពណ៌ខ្មៅ ពាក់ស្លាកលេខគ្មាន, ០១គ្រឿងទៀត ម៉ាកគ្លីក ពណ៌ខ្មៅ ពាក់ស្លាកលេខ ភ្នំពេញ ១AC- ៥៥៨៤។
បច្ចុប្បន្នជនសង្ស័យទាំង០៥នាក់ខាងលើឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ5311
- ម្សិលមិញ15191
- សប្តាហ៍នេះ48461
- ខែនេះ70341
- ឆ្នាំនេះ70341
- សរុប20512797